السلام عليكم ورحمة الله وبركاتهبما انى مستجدةفى كلية الطب فانا حاسة انى هقابل مشاكل لا حصر لها اقولكم تعالوا نبدا من اول خروجى من بيتنا واتجاهى نحو الاسكندرية ......الطريق طويل ....تحبوا تمشوه معايا .....اقولكم ....تعالوا واتفرجوا
احم احم
نوم قلق بشكل غير عادى لحد ما اسافر .....صحينا من النوم اللى مننهوش ....اتوضينا وصلينا وتوكلنا على الله ....اخدنا ورقنا ومستلزماتنا وركبنا كام موصلة كدا بتاع 3 مواصلاات لحد ما ننزل فى الموقف ......ولسه بقى مواصلات اسكندرية لحد الكلية ......كل دا ما علينا منه
بس ما علينا منه ليييييييييه ......بعيد عنكم انا ببقى همووووووووووووووووت من التعب لانى بكره التنقلات الكتير والسفر المتشحطط واخدين بال حضراتكم من الكلمة .....ما علينا برده منها
بعد الاجراءات والذى منه اللى بتطلع عين الواحد لاء مش الواحد تطلع عين الواحدة ....وخلاص قدمت ...الحمد لله ....
نيجى بقى للمدينة الجامعية
اللى بيقولوا عنها انها كلها حرامية وانا حصالى الرعب من الحتة ديه ...(رعب من مجرد كلام فما بالنا بالواقع بقى )
طبعا شتان شتان ...بيت حياة البيت المستقرة ....وحياة المدينة اللى بس كفاية فيها مجرد احساسك بعدم الاستقرار والغربة وانك مسئول عن كل صغيرة وكبيرة وشايل هم كل حاجة ولها خوفك على نفسك بدرجة 1000% خاصة طبعا لو بنت .....!!
المدينة الجامعية والواسطة والاكل والنوم والشرب وحكم قرقوش اللى فيها وازاى تزاكر وازاى ....وازاى ...وازاى ........طبعا دا يعمل حالة من عدم الامان اصلا .....ورغم دا كله ما علينا والله المستعان ...
سيبكم سيبكم من المدينة الجامعية ... وننتقل سريعا سريعا ....الى الكلية ....
من الحاجات بقى اللى متصوراها انها هتقابلنى فى الكلية نفسها واللى قابلتكم كلكم ....واللى بتمنى تعدى على خير ....يارب واقدر اتغلب عليها
اولا :العدد الكبير من الطلبة اللى متعودناش عليه .....وازاى فى وسط كل الناس دى تقدر تعمل لنفسك مكانة ......الطموح موجود بس ادعولنا بالتوفيق فى التنفيذ ....يارب سترك ورضاك
ثانيا :اللغة الطبية انجليزى انجليزى يعنى ......مش الانجليزى الصعيدى اللى درسناه ......والله رغم انى بعرف اتكلم انجليزى كويس كويس الحمدلله وعندى فو ناتكس الحمد لله كويسة بس برده .....والله المستعان
ثالثا:المشــــــــــــــــ وما ادراك ما هى ــــــــــــرحة بيقولولنا هتتعودا بس انا بخاف من الصدمات اوى وعمرى فى حياتى ما مسكت حتى فرخة مدبوحة .....دانا اضحية العيد ......بعيط عليها .......ربنا يستر واتمالك نفسى لما اشوف جثث وميتين
رابعا :الكتب والادوات ونعمل ايه ونجيب منين وفين وكل دا .......وبرده ما علينا منه بكره مع الوقت كله يبقى كويس يارب
نيجى للحياة فى الكلية بين الطلبة
اول مشكلة :هحتاج صحبة صالحة اوى تعينى وفى الزمان دا يقول الشاعر احذر عدوك مرة واحذر صديقك الف مرة فلربما انقلب الصديق عدوا فكان اعلم بالمضرة فربنا يكرمنا بصحبة كويسة ونقدر نثق فى بعض وصحبتنا تكون دافع لينا ع الاجتهاد وطاعة ربنا ......قولوا آمييييييين
مشكلة كمان نفساوية عندى هى مش مشكلة اوى يعنى متعقدوناش
الا وهى الثقة فى الآخرين كتيييييييير اديتها لناس متسهلهاش علشان كدا .....مبقتش بثق فى حد اوى اوى وبقيت حريصة زيادة عن اللزوم ....والموضوع صعب عليا اوى انى اتعامل مع حد بسوء الظن والشك ........ياااااااااااااااااارب رحماك
سيبكم من التوهان دا تعالوا معايا للحياة الطلابية بقى
طبعا نظام مختلف بكل المقاييس بنات وولاد واختلااط لدرجة كبيرة وطرق التفكير والاستايل والتغيير الجذرى اللى بيحصل
البنات ووتبرجهم الشكلى والاخلاقى والصحوبية ........اللهم احفظ جميع بنات المسلمين
والشباب الولاد .....اللى بتجهوا اتجهات انحرافية تمام اوى تلاقيه دكتور وف ايده سيجارة وياريته سجارة بس دى بيبقى فيها بلاوى .....والصحوبية .....والاغانى الللى مالين بها ودانهم .....والصياعة اللى على حق .....بالرغم انهم فى ارقى كليات فى الجمهورية .....بس نقول ايه ...ربنا يهدى بقى
كفااية جولة انهارده .....علشان انا ايدى وجعتنى من الكتابة .....دعواتكم الينا والقاكم بتصورات اخرى عن حياة لم تاتى بعد
معلش يا جماعة المشوار طويييييييييييييل احنا لسه فى الاول واللى زهق يقول ......
وبالرغم من كل اللى فات ....
**ــــــــــــــــــــــــــــــــــــــــــ**
**ـــــــــــــــــــــــــــــــــــــــــــ**
**ــــــــــــــــــــــــــــــــــــــــــــ**ـ
"وبالرغم من الطريق الطويل ...
**
هنعيشها صح .......ونقول يارب ..
**
تحياتى اليكم
دكتورة صغيرة ...بتقول لسه ياهادى
المشاركات
8 التعليقات:
هههههههههه
يابنتى تفاءلوا بالخير تجدوه
كل ده ولسه مابدئتيش امال فى السنه السابعه ان شاء الله هتقولى ايه
كلنا كان عندنا تخوفات من مجتمع الجامعه المنفتح والاختلاط والمعاصى وحدث ولا حرج لكن والله اصدقى الله يصدقك
ادعى ربنا انه يرزقك صحبه صالحه تعينك وتقويكى فى المجتمع ده
وبالنسبه للتشريح ماتقلقيش قلبك هيجمد اكييييد اول جثتين بس هتتصدمى بعد كده خلاااااص ... ربنا يرحمنا
شدى حيلك بس وماتثقيش فى حد بسرعه غير صاحبه الدين
واسفه انى طولت عليكى يا دكتوره
ومن الثانويه للكليه ليكى منى 1000 تحيه :)
ايه يابنتى دا كله
هو طبعا اكيد لازم بيبقى فى خوف او بمعنى اصح كوكتيل احاسيس مابين خوف وقلق وحيره وفرحه وترقب وحذر .. بس خليها على ربنا وانتى كل اللى عليكى فعلا زى ماقولتى تختارى صحباتك صح هما دول اللى هيسهلوا عليكى الباقى
وبالنسبة لموضوع المدينة هو مقلق فعلا بس برضه انتى ادها يا بشمهندسه اسماء
ثقتك متروحش الا للانسانه اللى تستحقها بجد وتخلى بالك من نفسك اوى وكله هبيبقى تمام ان شاء الله
وهتبقى ان شاء الله دكتوره ممتازة
بس تبقى تفتكرينا بس
الى (طالبة الفردوس)
هههههههههههه والله انا متفائلة خالص
والدليل شعار هنعيشها صح فى حد يقول كدا ويبقى متشائم
بس اهو قولت افضفض شويه يعنى من كتر اللى بسمعه
يمكن اسمع نصيحة او حتى اى حاجة مفيدة وعامة يا حبيبتى جزاك الله كل خير على تعليقك ومرورك الجميل دا نورتى المدونة بجد
(الى حمدى جعوان)
شكل الموضوع بوظ المخ خالص
باشمهندسة أسماء وان شاء الله تبقى دكتورة تمام هههههههههههههه فى ايه
ربنا يخليك يا حمدى على مرورك وعلى تعليقك ونصيتحك
وبجد انت من الناس الى فضلها كبير اوى عليا يعنى كفاية انك سبب المدونة دى نفسها دى تشيجعلك ليا علشان اكتب
بجد جزاك الله كل خير ياحمدى يارب
ويوفقك وينعم عليك بكل الخير
ايه يا بنتى كل ده
كلنا كنا كده فى الاول وهنعمل ايه لما ندخل وهنتعامل مع الناس ازاى بس بمجرد ما تلاقى الصحبة الصالحة بيهونوا عليكى كل حاجة وبجد هتحسى بالثل اللى بيقول ما جمع الا اما وفق يعنى هتتعرفى على ناس زيك فى حاجات كتير والباقى مش هتحسى بيهم اصلا عشان صحابك هيبقوا حواليكى
بالنسبة للمدينة مش هعرف اطمنك اوى سواء فى المعاملة او الاكل بتاعهم اللى بينيم بس ان شاء الله ربنا يرزقك بحد كويس معاكى فى الاوضة تهون عليكى المدينة
ومتقلقيش كله بيعدى
ربنا يوفقك في الكلية
ويرزقك الصحبة الصالحة
ويسترها معاكي في الايام السودة بتاعت التشريح :))
ربي يحفظك ويستر عليكي
اسماااء انتي رااائعة .. نحن بانتظار جديدك المتميز
دمتي ياحبيبتي
محبتك من KSA
مش للدرجه دي يادكتوره جمدي قلبك شويه الطريق لسه طويل ومحتاج اعصاب قويه ومتشمتيش الرجاله فيكم يابنات....ربنامعاكي يااسماء
إرسال تعليق