ياريتنى ما فتحت التليفزيون ....!!!!!




شايفين الصورة !!!!




التليفزيون هينط من مكانه مش كدا




لا بقى




أنا اللى مرارتى اتفقعت وهنط من الكرسى اللى قاعدة عليه




الحكاية بسيطة خالص يعنى




واحدة عاملة نفسها فاضية.....ومعنديهاش امتحان كمان ثلاثة ايام ولا حاجة




صحيح مش امتحان التيرم ...بس امتحان ...




وبدأت اليوم بدح شويه فى الكتاب ... يتبعه جلوس على الفيس بوك ...




وقطعا انا محتاجة انتى فيس بوك ...عشان ابطل ادمان الفيس بوك ...




المهم نيجى لحرق الدم والكلاام المهم




صلينا المغرب ... وطبعت شويه ورق من الاب بتاعى ....وقفلته لانى زهقت من شكله سواء فى المزاكرة سواء مش فى المزاكرة




مليت من النت ...بس اهو ارحم شويه من التليفزيون على الاقل انا بدخل على الحاجات المفيدة ...واسيبنى من اى حاجة تانية




مش زى التليفزيون ....تبقى قاعد فى امان الله تلاقى بلاوى فى وسط الحاجات الكويسة بتطلع فى وشك ...وللاسف البلاوى كترت اوى اليومين دول ...دا على اساس انها مش كتيرة من زمان ...




بس بلاش لك ورغى ....قررت افتح التليفزيون اللى انا بقالى بتاع اربعة وعشرين يوم ولا حاجة مبتفتحش




قولت باسم الله ...




جبت القنوات الدينية الاول ...واخدت لفة ...




وسمعت الدكتور - محمد العوضى....على قناة الرسالة وكان فى زى حملة كدا اسمها ..."أعلنت احترامى تقديرا لذاتى "




قولت والله ربنا يجازيه كل خير رجل محترم ....




وبعدها على قناة الحافظ ....والحكمة ...والعفاسى ...الخ الخ




وكملت تغيير القنوات ...بقى لحد ما شويه وصلنا للقناة الاولى ....والمصرية ...واون تى فى ...




سمعنا شويه اغانى وطنية ...هى حلوة ...بس فيها معازف كنت قاعدة اسمعها وبقول فى نفسى وبعدين بقى مش انتى قررتتى تتلمى وتقول معازف بلاش ...وشويه اقول اصل فى شيخ اجاز ...اصل واصل ...المهم سمعتها...




وكملت تغيير بدور على برنامج حوارى بيقول اى حاجة مفيدة ...على دريم ولا المحور ولا اى حاجة ...ملقتش




نزلت كمان شويه ...




ايه دا قنوات الاكشن والافلام الاجنبى ...اقول لنفسى لا لا لا عدى .....وشوشو اللعين "اعوذ بالله منه " ... لا استنى شايفه بيضربوا ازاى شايفة الدم ... شايفة شايفة ...الحمد لله....كانت اخر دقيقيتن فى الفيلم وخلص ههههههههههه




وغيرت كمان ...وجه الريموت وقف على قناة ام بى سى ثرى وحلف منا مدير ههههههههههه وعلق ...ياعم دير لا ياعم دير لاء ...قفلت الريسفر وشغلته تانى ...والحمد لله دير




واخيرا ....جبت قناة الحياة ...




وبالله عليكم تركزوا فى اللى جاى عشان دا المفيد مش كل الرغى اللى فات ...




جبت قناة الحياة




كان شغال برنامج




الحياة اليوم




وكان المذيعة بتاعته "نسيت اسمها بصراحة "




جايبة مين بقى




" أسماء محفوظ "




ومعاها وليتين ...ومعلش اسمحولى اقول وليتييين حربيييتين رغم انى مش بحب الالفاظ دى




بس كان هاين عليا اكسر التليفزيون وادخل اطبق فى زمارة رقبتهم ...




كانوا بيتكلموا عن " دور المرأة المهضوم بعد الثورة "




اول ما سمعت العنوان




قولت والله ناس فاضية ...مش لاقيين شغالة




وعصرت على نفسى لمونة لمونتين وقولت اكمل ...يمكن اطلع بحاجة




بدأ الحوار




الولية الاولى : الثورة لم تأخذ اى امرأة فى "وضع التعديلات الدستوريه"




المرأة نص المجتمع




المرأة هيلغوا كوتة المرأة ووكانوا استخدموا اسوء نوع من الكوتة




على فكرة يا بنى آدمين ...انا معرفش يعنى ايه كوتة دى ...بس اللى اعرفه انها بتيجيب نسوان وتحطهم فى المجلس على هواهم ...ويقولوا اى كلاام ...مش ضد مشاركة المرأة فى المجلسين .....بس اهو دا انطباعى المسبق عن الكوتة فى عهد الرئيسى السابق سابق مين لا المخلوع اوى ...واعذرونى اصلى واحدة جاهلة مبحبش الساسية الضاربة .....وبالمناسبة الكوتة هى ادخال العنصر النسائى فى المجلسين الشعب والشورى عن طريق الترشيح والانتخاب والفوز "اللى كان بالكوسة"




خلصت الولية لاء




بس تعالوا نشوف الولية التانية اللى انا بقى نفسى اضربها بالنار




الولية التانية : السلفييين مش عايزين مشاركة للمرأة وان كانوا بيقولوا تشارك بس افضل ليها بيتها ...




السلفييين المتشددين يرفضون ولاية المرأة على الرجال ...




حكومة عصام شرف الانتقالية مفيهاش غير وزيرة واحدة بس ...بعد ما كانوا اربعة فى النظام السابق




دور المرأة أصبح مصغر لانه ينظر اليه كأن الكلام عن سوزان مبارك ...فى العهد القديم




هاين عليا اقولها انتى يا ولية ...انتى فاضية والله ...




هو دا وقتك ...




سلفيييين ايه ...حرام عليكم بقى ....والله انتوا ظالمين السلفييين والاخوان وكل التيارات الدينية


ولا تعرفوا عنهم حاجة ...




والله انتى واحدة ...خسارة الواحد يتحرق دمه على كلامك او يرد عليكى اصلا ....وفعلا ....نطق الرويبضة ....




ولاية امرأة ايه ...هى مصر مفيهاش رجالة ...لما يبقوا يخلصوا وينقرضوا هنبقى نولى امرأة




يا شيخة ...




"لعن الله قوم ولوا أمرهم امرأة"




انا مش ضد المرأة والله ...هبقى ضدها ازاى وانا بنت عايزة اعرف




بس ضد الظلم ...بتظلموا السلفييين ...والتيار الاسلامى كله




يا شيخة احترموا المحترم حتى لو كافر




انتوا بتتكلموا عن مسلمين ... أشرف منك والله ...بجد حسبنا الله ونعم الوكيل




شويه ....




ونلتقى بعد الفاصل






آه دا فاصل اعلانى كبيييييييييييييير




نسانى اصلا الحوار




جه دور " أسماء محفوظ"




للانصاف قالت كلمتين كويسييين ...وكانت بتدافع عن المرأة وبرده شايفة انها مش مهمشة بعد الثورة ...




بس الوليتييين كانوا بيقطعوها كتير




ولسه مخلصين الفاصل مكملش خمس دقايق




وفاصل ونواصل تانى




سيبكم من الحوار اللى يفقع المرارة دا




ونشوف الاعلانات




اعلان " مؤسسة مصر الخير "




اعلان " جمعية رسالة "




اعلان أحمد حلمى " الغذاء من أجل التعليم "




حاجات تفتح النفس ...كلمة قولتها




" لايزال الخير فى امتى الى يوم القيامة "




حتى وان كثر الخبث




لاء استنوا




واعلان تانى ....عن مين ...مهرجان اسمه "موزاين " ....مهم خالص خالص خالص




بس للناس التافيهيييين ...جاى فيه مين




جاى فيه عمورة ...والجامسى وجنات و....و .....






واهم حاجة جاى فيه ....شيكااااااااااااااااااااارة ..."مش شيكارة كيماوى " ...لاء دى شاكيرا ....والمذيعة فرحانة ...جاتكم .... لا ربنا يهديكم احسن




عارفين اللى الشيطان يوزه ويروح يسمع شيكارة انا مليش دعوة ...اخليت ذنبى منه يارب




والاعلان اللى يسد النفس ...الاعلان عن مسلسلات رمضان من دلوقت ...واسأل مجرب من السنة اللى فاتت .....يا ناس ارحمونا مسلسلات ايه بس ....حرام عليكم ...ارحمونا شويه ....رمضان عبادة عبادة عبادة ....مش مسلسلات




واخر اعلان وبعدها قفلت التليفزيون




هو




اعلان ديتول




مبيد الجراثيم




جيت قافلة التليفزيون




وانا بقول ....والله احنا فعلا محتاجين ديتول ...لنضافة الاعلام المصرى




من القذارة اللى فيه ...سواء شخصيات او اعلانات او مسلسلات




قفلته




وجيت كتبت الكلاام دا




وانا بقول




" ياريتنى ما فتحت التليفزيون "






نأسف لانفعال او التجاوز باى كلمة ...بس فعلا انا كنت متعصبة ...وخلااص هديت




يلا اتعصبوا انتوا بقى




سلاام






أحلى حياة فى طاعة الله ..
















أكيد أحلى حياة فى طاعة الله





فيها راحة




فيها حب






فيها خير





فيها أمل






فيها ابتسامة






فيها فرح

فيها سعادة بجد





فيها رضا







فيها "قلوب صافية"


لانك بتعيشها مع" الله "



عيش مع الله أحلى حياة




الدنيا ساعة ...فاجعلها طاعة



ازرع فى الدنيا ....لتحصد فى الآخرة



دى شويه كتب


لدكتور مصطفى ابراهيم ...



أسلوب شبابى رائع




الاول




" للبنات وبس "



ندخل هنا





"للكبار فقط "





ندخل هنا


http://www.goodwayinlife.com/forum/showthread.php?t=31545




" أحلى حياة "




ندخل هنا



http://www.goodwayinlife.com/forum/showthread.php?t=31540





" خليك أسد "






ندخل هنا



http://www.goodwayinlife.com/forum/showthread.php?t=31543








لا تنسونا بصالح دعائكم






جمعنا الله واياكم






فى جنته






" جنة الرحمن"





































أنت خالد ...وفى الجنة سعيد ..







السلام عليكم ورحمة الله وبركاته





६ -६ -२०१०





اليوم





६-६-२०११





مرور سنة كاملة على شعلة الثورة





او الشعرة التى قصمت ظهر البعير





انه





" خالد سعيد"





الشاب المصرى العادى جدا جدا










ولكن شاء الله وشاء القدر





ان يكون "خالد سعيد "





اسم على مسمى





فقد حقق اسمه





وخلد ذكراه فى أذهان كل المصريين










خالد سعيد





شهيد الطوارىء والتعذيب





مرت سنة كاملة على وفاته





ونحسبه عند الله شهيدا





ولم يؤخذ حق ه بعد ...





سحقا ॥سحقا ॥سحقا





لك أيها الظلم










قد ظلم خالد سعيد واهين هو واسرته





قد مثل بحسده وبوجهه أسوء ما يكون التمثيل





قد عذب خالد سعيد





ولكن ما النتيجة ؟!










النتيجة










هى










اسقاط النظام





نظام الظلم والاستبداد





نظام الفقر والاستعباد





نظام المالك والمملوك





لقد تم اسقاط
الديكتاتور










"خالد سعيد "



مثله مثل ملايين المصريين الذين




عذبوا واهينوا




ولكن كان هو بداية النهاية








قد كسر حاجز الخوف فينا




قد حرر قيود الخوف وحررنا من سجنه








لقد شاء الله يا خالد أنت تكون بالفعل خالدا








وشاء الله لكل الظلمة أن يشربوا كأس الذل




والمر والهوان على مرأى ومسمع من الجميع








لقد سقط مبارك ॥




سقط العادلى




سقط جمال مبارك




سقط احمد عز




سقط المجلس




سقط الوزراء




سقطوا جميعا




بالفعل




لقد سقطت الاقنعة




وبقيت أنت




خالدا فى قلوبنا واذهاننا








وسيرجع حقك ممن عذبك بيده




سيحدث القصاص وان كان مؤجلا








"ان الله يمهل ولا يهمل "








ما أسوءها العدالة المؤخرة ...بالفعل ظلم محقق




أيها القضاء المصرى








متى ينطق لسانك بحكم الاعدام ؟!








متى ينفك قيدك ؟!




أما ترى الادلة والبراهين منذ زمن








أيها القضاء








انطق بعدالة السماء








قبل








أن نفعلها نحن بايدينا








" خالد سعيد "












أنت خالد ...وفى الجنة باذن الله سعيد








ولن ننسى من صمم على أخذ حقك








لن ينساه جميع المصريين








لن ننسى "السبب"








الذى جعله الله سببا قويا




فى ابقاء قضيتك




فى تحرير قلوبنا وعقولنا من الذل








لن ننسى




"مناضل الكيبورد"








"وائل غنيم "








ليبقا ذكركما فى قلبى وقلوب المصريين








"خالد سعيد " ...ووائل غنيم "



ودلوقتى نشوف فيديوهات



http://www.youtube.com/watch?v=pivctu06aYU





http://www.youtube.com/watch?v=mQr3DZ_J7xE&feature=related





http://www.youtube.com/watch?v=0oYes-AGdVA&feature=related





http://www.youtube.com/watch?v=JvsV3FcO13k&NR=1





http://www.youtube.com/watch?v=VNVKroqhChw&feature=related





سلام

علمتنى الحياة ...؟!


ماذا عملتنى الحياة ؟!
علمتنى الكثير والكثير ....والكثير والكثير .....لا احصيه ولا اعده
علمتنى
1- الصبر مفتاح الفرج (فصبر جميل والله المستعان على ما تصفون )
2- علمتنى انه فى كل ابتلاء نفع وفائدة .....فمن المبتلى ؟ الله .......فمن عظيم الشرف انه ابتلانى .....لانه يقول لى انى احبك .....فسبحانه اذا احب عبدا ابتلاه
.3 علمتنى الحياة انه ليس كل البكاء يريح وليست كل الدموع تحترم
فعلمتنى ان كانت الدموع هى راحتى فلتكن بينى وبين خالقى .......ولا تكون على الملأ فيفسرها الغير بانها ضعف وعدم قدرة
4- علمتنى الحياة انها ليست ثابتة على حال ....فاليوم فى السماء ويوم فى الارض
5- علمتنى الا ايأس ابدأ فدائما هناك الفرج
6- علمتنى الحياة أن أكون لؤلؤة ثمينة غالية لا يمتلكها الا من يستحقها ....علمتنى الا اكون سلعة رخيصة تباع وتشترى
7- علمتنى ان الناس اصناف واصناف .....فاختر الصنف المناسب لك ولا تنجرف مع الاصناف الاخرى .....
8- علمتنى الحياة أنها أتفه ما تكون ....فهى قصيرة ....ولا تستحق المعاناة فهى لا تساوى جناح البعوضة
9- علمتنى الحياة ان الصمت فى بعض الاحيان هو القوة ....لان هناك اشخاص لا يستحقون الرد
10- علمتنى الحياة الا انجرف وراء طيبتى فتحولنى الى ساذجة
11- علمتنى الحياة ان ارتب اولوياتى فما هو اولا وما هو اخيرا
12- علمتنى الحياة انه لا لذة فى معصية الله
13- علمتنى الحياة انه ليس كل ما نتمناه نناله ....فدائما نحمد لله فهو يعلم ولا نعلم
14- علمتنى الحياة ان الحب فى الله اسمى المعانى ...فطوبى للمتحابين فى الله
15- علمتنى الحياة الا اقلل من نفسى ولا من قدراتى فانا فينى من روح الله ....علمتنى الا استصغر نفسى امام احد
16- علمتنى الحياة ان اتواضع والا اتكبر
17- علمتنى الحياة ان هناك دائما الخير فى قلوب البشر حتى ولو كانوا اسوء الناس فدائما هناك الخير
18- علمتنى الحياة الا انظر لعيوب من حولى واترك عيوبى
19- علمتنى الحياة ان الانسان اذا اشتهى وتمنى حصل على ما يريد وان امتلكه تمرد وامتنع فان ادرك انه يسفقده رجع فندم
20- علمتنى الحياة ان احب الخير واحاول فعله على قدر المستطاع
21- علمتنى الحياة ان اؤمن بالقضاء والقدر ...ولكن لا ارضى به فاذا ابتليت رضيت ولكنى لا اقف وكفى
22- علمتنى الحياة ان اتعامل مع الامكانيات المحدودة لترقى وترتفع ولا اقف كرافضة منددة فقط
23- علمتنى الحياة ان الارادة والعزيمة كلمات ومشاعر لا يعبر عنها الا العمل
24- علمتنى الحياة انى فى البعد عن ربى فى اسوء حالاتى
25 -علمتنى الحياة ان اكره الفشل
26- علمتنى الحياة ان من وجد لذة القرب من الله ثم تركها فهو احمق ان لم يرجعلها
27- علمتنى الحياة ان صراحتى كثيرا ما تتعبنى
28- علمتنى الحياة ان مغرياتها كثيرة ومفاتنها اكثر فطوبى لمن استعصم بحبل الله
29- علمتنى الحياة ان السعادة قرار ....فدائما انت من يقرر سعادتك ام شقاؤك
30- علمتنى الحياة ان لكل مجتهد نصيب ...
31 - علمتنى الحياة ان لا اكتفى بذكر صفات الاخرين وامكانياتهم وتعجيز ذاتى بل اقول انا سأسطتيع وسافعل
32- علمتنى الحياة ان كثرة الصدمات تقوى البشر فخيرا له ان صبر
33- علمتنى الحياة ان احيى بالنعم واشكرها حتى لاتزول
34- علمتنى الحياة ان كنت تعبت فاستريح وان كنت استرحت فسأتعب
35- علمتنى ان الغضب هو خضم الخطأ
36- علمتنى الحياة ان هناك بشر بانياب لابد من التصدى لها والا نهشتك
37- علمتنى الحياة ان احترم من يحترمنى ...وان اعامل الناس بما احب ان يعاملونى به
38- علمتنى الحياة ان التسرع دائما وراءه الندم
39- علمتنى الحياة ان حياتى بها خطوط حمراء يحترق من
40- علمتنى الحياة ان ابحث عن رضا الله وحتى ولو كنت اعصى العصاة
41- علمتنى الحياة ان اكون نفسى
42- علمتنى الحياة ان الصداقة من الكنوز الثمينة من الصعب ان نجدها
43- علمتنى الحياة ان الوقت هو اغلى ما يمتلكه الانسان (نعمتان مغبون فيهما كثير من الناس الصحة والفراغ)
44- علمتنى الحياة ان كثرة الذنوب تؤذى القلوب
45 - علمتنى الحياة ان اقاوم واثبت وان وقعت اقف
46- علمتنى الحياة التحدى ...علمتنى الحياة الحب ....علمتنى الخير ...
.47- علمتنى الحياة ان الاهل هم كنز لا يعرفه الا من فقد الاهل
48- علمتنى الحياة عدم السلبية
49- علمتنى الحياة كيف اكون حرة ولكن محدودة بحد شرع الله
50- علمتنى الحياة انى دائما هعيشها صح ....فلن ابدد شعارى ابدا لاى ظرف كان
51- علمتنى ان كثرة الشكوى تلغى العقل عن الحل
52- علمتنى ان من انزل همه بالناس زاد ومن انزله بالله زال
53- علمتنى ان الانسان دائما ابدا هو الذى يصنع الظروف والمشكلات ثم يبكى عليها ثم يبدأ بحلها
53- علمتنى اننى انا فقد من استطيع تحديد مصيرى
54- علمتنى ان من يكبرنى سننا اعلم منى بشئون الحياة
55- علمتنى ان الدعاء هو السبيل لتفريج الكربات
56- علمتنى الحياة ان الخوف خلق لنقتله لا لنستسلم له
57- علمتنى الحياة ان المرض هو اضعف حالات الانسان
58- علمتنى الحياة ان كل الحواجز والعقبات تزول بمجرد تخيل انها ليست موجودة او انها ستهون
59- علمتنى الحياة ان البكاء على الماضى يفقد الحاضر ويضيع المستقبل
60- علمتنى الحياة انه لا صوت للضعيف فكن قويا يسمعك الناس
61- علمتنى الحياة ان الضمير اذا غاب غابت معه الانسانية
62- علمتنى الحياة ان ادع لنفسى الحلم فلا اضع حدا له
63- علمتنى الحياة ان سوء الظن يملأ القلوب حقدا وغلا
64- علمتنى الحياة بان العلم لانهاية له فانهل منه ماشئت فان لا تصب الا رذاذا ..
.فيا ايها السائل عن هذا وهذا لن تصب من بحور العلم الا رذاذا كل علم الناس ماذا فان ادركوها وقفوا عند لماذ؟!
65- علمتنى الحياة الـتأمل فى خلق الله حيث العظة والعبرة
66- علمتنى الحياة الا أحزن .....لان ربى دائما معى وحسبى هو ويكفينى
67- علمتنى الحياة ان البراءة فى الطفولة تكون صافية وتتعكر كلما كبرنا فى العمر
68- علمتنى الحياة ان دينى هو روحى فهل استطيع ان افقد روحى ؟!
69- علمتنى الحياة انه لا اعظم من قول لا اله الا الله محمد رسول الله
70علمتنى الحياة ....بان الموت هى حقيقتها ....وكفى بالموت واعظا يارب سلم يارب سلم
71 - علمتنى الحياة ان التوتر كفيل بافقادنا الكثير والكثير ويضيع الاعمار ويقلل الانجاز
72- علمتنى الحياة بأن أمى هى روحى ....فأقسى شىء على قلبى ان اغضبها وارى دموعها
73- علمتنى الحياة ان اصحاب المبادىء قليلون واصحاب الضمائر قليلون ...ومن يبيع ضيمره ومبدأه هو انسان لا يعرف معنى الحياة لانه اصبح حيوان
74- علمتنى الحياة ان الرفق فى التعامل هو فن لا يجيده الكثير ....والشده والتعنت كفيلة ببعد الناس عنك
75- علمتنى الحياة أسلوب الحوار ...وان العصا قد تكسر الاجسام ولكن الكلمات تكسر القلوب
76- علمتنى الحياة بان الموهبة هى نعمة من الله يجب تنميتها لا دفنها واخمادها
77- علمتنى الحياة بان راحة البال ليست فى المال ولا العيال ولكن فى القرب من رب العالمين
78- علمتنى الحياة البذل لاخر لحظة حتى لا نندم
79- علمتنى الحياة التفاؤل ....فالطبع غدا سيكون افضل من امس
80- علمتنى الحياة الا ابخل على احد بنصيحتى اذا طلبها والا اطلب النصيحة من اى احد
81- علمتنى الحياة بان لكل انسان مواطن قوة ومواطن ضعف ...ولكن الواعى من يعزز قوته ويهزم ضعفه
82- علمتنى الحياة الا اسخر من حال أحد فلربما كنت فى مكانه فهل سأقبل ان يسخر على احد
83- علمتنى الحياة ان هناك أناس كل وظيفتهم فى الحياة هو التقليل من مكانتك فلا تنظر اليهم واعلم انك الافضل
84- علمتنى الحياة ....ان يكون لى رأى فصوابه يمحنى الثقة فى نفسى وخطأه يعطينى تجربه ومعرفه
85- علمتنى الحياة ان الا اسمح لمخلوق يهز ثقتى بنفسى ...وان حدث لابد من ان اثبت واثق ثانية
86- علمتنى الحياة ان المظاهر خداعة ....والبواطن هى الحق ....فطوبى لمن كان ظاهره يطابق باطنه
87- علمتنى الحياة ان الميثالية ليست مفهوم بشرى فمهما فعلنا لن نصل الى الكمال
88- علمتنى الحياة الا استحقر احدا مهما قلت مكانته ....فجيدا اعلم بانه يمتلك شيئا يميزه وانا لا امتلكه
89- علمتنى الحياة ان القراءة عالم بلا حدود وبحر بلا شطوط ..
90- علمتنى الحياة ان محاورة العلماء منفعة ومجادلة الحمقى تجعلك احمق مثلهم
91- علمتنى الحياة بان اضع حدود للتعامل معى حتى لايستخفنى احد
.92- علمتنى الحياة بان كثرة الكلام تؤدى الى كثرة الخطأ
93- علمتنى الحياة بأن قلمى اجدر صاحب لاحتواء ما بداخلى ....فهو دائما لايمل منى
94- علمتنى الحياة بان الملل عدو يحطمك اذا استسلمت له
95- علمتنى الحياة ان طعم النجاح الاعظم لا يشعر به الا من ذاق طعم الفشل ....
96- علمتنى الحياة ان اقسو على نفسى حتى لا اجعلها عرضة لقسوة الاخرين
97- علمتنى الحياة بان التمس الاعذار واعترف بالاقدار ....وان ارحم دائما عزيز قوم ذل
98- علمتنى الحياة ان لغة القلوب هى اللغة التى لا يفهمها الا المتحابون فى الله
99- علمتنى الحياة ان اعترف اذا اخطأت واندم على ما فعلت ....ولا اتمادى فيه بل اقوم واعدل واصحح
100- علمتنى الحياة ان المرأة اذا حيزت لها جميع الشهادات وجميع المكانات ولم يكن لها زوجا صالحا فهل أتعس امرأة فى العالم
فى النهاية
علمنى ربى
ربى كيف أحيى فى الحياة
تحياتى
نورسين

احتفالات ...


السلام عليكم ورحمة الله وبركاته



اليوم 10/8/2010




غدا 11/8/2010






أول يوم فى شهر رمضان المبارك ....جعله الله شهرا ميمونا مباركا علينا وعلى الأمة الاسلامية يارب





هو يوم سعيد فأحببت أن أحتفل به بكل خاص وليشمل جميع الاحتفالات الآتية :



أولا أنه بداية لشهر أحبه كثيرا وانتظره دوما وأشتاق اليه ...وبهذا يكون قد هل على المدونة شهر رمضان المبارك مرتين





ثانيا : لعودتى للتدوين بعد فترة غياب طويلة جدا ....فحمدا لله على ذلك




ثالثا: لانه فى 10/8/2010 رزقت أختى بتوأم (بنتين ) .....يارا ويمنى ....أسأل الله العظيم رب العرش العظيم أن بارك فيهم ويجعلهم زخرا للاسلام والمسلمين .






رابعا : احتفالى بمرور سنة كاملة على انشاء المدونة ....وما يصحبها من ذكريات نجاحى فى الثانوية العامة ...وذكرى مولد ابنة أخى (رؤى) ....


المدونة أنشأت يوم 14/7/2009


اهداها الى أخى : حمدى جعوان ...له الفضل الاول فى دخولى عالم التدوين ....يوم 16/7/2009


نتيجة الثانوية العامة يوم 16/7/2009 .....مولد رؤى يوم 16/7/2009


happy birth day my blog








خامسا : انى رايحة سنة 2 فى مشوارى الطبى فى كليتى العزيزة ....بعد سنة دراسية مرهقة وعصيبة ...وابتلاء كبير من الله ....فحمدا لله كثيرا .


وكدا خلصت الاحتفالات ....

وكل سنة وانتم طيبين

رمضان كريم

تحياتى

أسماء ...نورسين

BacK To My Soul


(رسمتى )



تبسم فان الله ما أشقاك


إلا ليسعدك


وما اخذ منك


إلا ليعطيك


وما أبكاك


إلا ليضحكك


وما حرمك


إلا ليتفضل عليك


وما ابتلاك


إلا لأنه يحبك

شعارى

هعيشها صح

دائما ....فى طاعة الله .....بتوفيق الله وعونه ..

أفكار ليلية ...

sorry my friends i wanna go
where or why don't know

i feel that my soul is out of me

i really want to be with me

sorry can't be another one

i feel i need help from any body

of course
no body
i feel i need some time

from any day ?

of course
my days are the same usually
i feel that i want to cry
but why

i feel that in a big sea full of hope sadness joy cry full of contrast
i wanna see some one

who ?
really can't know

but

i know the way
yea i wanna go on it
really i feel myself in one word (magnonaaaaaaa)

but
i
have one
i have way
i have aim


i have time
i need to collect my papers

think only of my way

don't think of cry
all i have to do
is :
smile :)
fill myself with hope
be always my self

ooooooooooooooh
i get it

i hear it
i see it

i feel it

i can touch it

now i can say this is my way
to be with allah

now when i hear quran elfagr
with the sound of salat elfager
with the nice air
i feel him

i feel he is with me
he the only one with me
of course

allah with me

كيف لى أن احزن وانت ربى

كيف لى ان الجأ لغيرك

روحى بين يديك

كلى منك واليك

لا اله الا انت

موالى وسيدى وخالقى ورازقى

اسلمت امرى اليك

وجهت وجهى اليك

ربى انت تعلم ما بى فاليك اسلم امرى وعمرى

عفوا يا دنيا لن تنالى منى

because
allah with me